У пятніцу абяцаюць месцамі да мінус 23
Паводле прагнозу сіноптыкаў, днём воблачнасць павялічыцца. Ноччу будзе пераважна без ападкаў, днём па заходняй частцы краіны пройдзе снег, слабая мяцеліца. Вецер усходні 5-10 м/с, у асобных раёнах парывамі да 12-14 м/с.
Ноччу складзе 12-17 градусаў марозу, месцамі слупкі тэрмометраў апусцяцца да мінус 18 - мінус 23, днём чакаецца 8-13 градусаў. Па паўднёвым захадзе краіны ноччу будзе 8-11 марозу, днём - мінус 5 - мінус 7, піша БелТА.