Еўрасаюз выдзеліць Украіне 1,7 млрд. еўра
для барацьбы з фінансавым крызісам.
Еўрасаюз мае намер выдзеліць Украіне 1,7 млрд. еўра для пераадолення наступстваў фінансавага крызісу. Пра гэта ўкраінскія СМІ паведамляюць са спасылкай на пасла Францыі, якая старшынствуе ў ЕС, Жака Фара.
Гэтыя сродкі сабраны 27 краінамі ЕС для падтрымкі банкаўскага сектара і прамысловай вытворчасці ва Украіне. Рашэнні адносна канкрэтных формаў і кірункаў выкарыстання гэтых грошай будуць прымацца ўкраінскім бокам.