Выбух у каталіцкім саборы на Філіпінах: загінулі 27 чалавек
Сама меней 27 чалавек загінулі і дзясяткі атрымалі раненні ў выніку двух выбухаў на востраве Хало на поўдні Філіпін, паведамляе ВВС.
Першы выбух прагрымеў у 08:45 па мясцовым часе (03:45 па Мінску) падчас нядзельнай імшы ў рымска-каталіцкім саборы Маці Божай на гары Кармель.
Пасля таго, як на месца здарэння прыбылі вайскоўцы і паліцыя, на размешчанай паблізу паркоўцы спрацавала другое выбуховае прыстасаванне.
Большасць загінуўшых — цывільныя асобы. Пакуль што ніхто не ўзяў на сябе адказнасць за напад.