На пажары ў Вілейцы загінулі двое мужчын: ніхто з іх не быў гаспадаром дома
kraj.by
У Вілейцы на вуліцы Стаханаўскай у суботу днём гарэў аднапавярховы жылы драўляны дом. Справіўшыся з агнём, ратавальнікі знайшлі целы двух мужчын.
Афіцыйны прадстаўнік Мінскага абласнога ўпраўлення па надзвычайных сітуацыях Анастасія Швайбовіч распавяла kraj.by, што адзін з загінулых 1962 года нараджэння, другі - 1963-га.
Па словах Анастасіі Швайбовіч, ніводны з загінулых не быў гаспадаром дома. Дзе ў момант пажару знаходзіўся гаспадар, і што там рабілі гэтыя двое мужчын, высвятляецца.