У Віцебску пры пажары ў шматпавярховіку загінула пенсіянерка
Узгаранне адной з кватэр адбылося ў дзевяціпавярховым доме ў Віцебску, загінула пенсіянерка, паведамляе МНС.
Паведамленне пра ўзгаранне кватэры на дзевятым паверсе дома па вул. П. Броўкі паступіла каля 17 гадзін 29 студзеня. У выніку пажару загінула 75-гадовая гаспадыня жылля. Ратавальнікі эвакуіравалі з кватэр пад'езда 9 чалавек.
Агонь пашкодзіў маёмасць у пакоі, закураны сцены і столь. Прычына пажару высвятляецца.