У Менск прыляцеў Кустурыца
фотарэпартаж
18 снежня ў нацыянальным аэрапорце «Мінск» сустракалі сусветна вядомага сербскага кінарэжысёра.
18 снежня ў нацыянальным аэрапорце «Мінск» сустракалі сусветна вядомага сербскага кінарэжысёра Эміра Кустурыцу.
Увечары 19 снежня ён разам з «No Smoking Orchestra» выступіць з канцэртам у Палацы Рэспублікі. У анонсе канцэрта абяцаны «фірмовы замес» з турэцкіх маршаў, цыганскіх матываў, паўднёваафрыканскага саунду, рытмаў кантры і іншай музыкі.
Рэжысёр прыляцеў адзін, з «некурыльшчыкамі» ён сустрэнецца ўжо ў Мінску. Проста апрануты Кустурыца быў прыветлівы, шмат усміхаўся, падрабязна адказваў на пытанні журналістаў, што прыемна адрознівала яго ад многіх «надта зорных» гастралёраў.