Чацвёра жыхароў Мсціслаўскага раёна атруціліся, выпіўшы невядомую вадкасць. Двое памерлі
Здарэнне адбылося ля в. Каліноўка Мсціслаўскага раёна, паведамляе sudexpert.gov.by.
Вядома, што 19 студзеня 52-гадовы мужчына знайшоў невядомую вадкасць у 5-літровай каністры, якую на наступны дзень выпіў з трыма сваімі знаёмымі. 21 студзеня двое мужчын памерлі, а двое іншых — цяпер яны знаходзяцца ў рэанімацыйным аддзяленні цэнтральнай раённай бальніцы Мсціслава.
Згодна з папярэднім заключэннем эксперта, смерць двух мужчын наступіла ў выніку вострага атручвання неўстаноўленым рэчывам.