Міністр аховы здароўя Украіны выступіла за легалізацыю марыхуаны ў медыцынскіх мэтах
Міністр аховы здароўя Украіны Ульяна Супрун выказалася ў падтрымку выкарыстання марыхуаны ў медыцынскіх і навуковых мэтах.
Ульяна Супрун, фота: Укрінформ.
«Ці апраўдана такое выкарыстанне? Навукоўцы, лекары і пацыенты па ўсім свеце кажуць, што так. Медыцынскі канабіс дапамагае палегчыць пакуты пацыентаў і нармалізаваць самаадчуванне пры шэрагу цяжкіх захворванняў і станаў. Таму выкарыстоўваць яго ў медыцыне, вядома з пэўнымі агаворкамі, нармальная сусветная практыка», — падкрэсліла міністр.
Паводле яе слоў, медыцынская марыхуана мае мноства даказаных лячэбных і паліятыўных эфектаў, і на дадзены час дазволена ў многіх краінах.
У прыватнасці, марыхуана выкарыстоўваецца пры хваробе Альцгеймера, анкалогіі, хранічных болях, эпілепсіі, посттраўматычным сіндроме і ў іншых выпадках.
У той жа час яна дадала, што канабіс мае і пабочныя эфекты, таму, перад любым прызначэннем, лекар павінен узважваць карысць і рызыкі, рэкамендуючы яе выкарыстанне.