Генпракурор пацвердзіў затрыманне гендырэктара «БелОМА»: «Але там сям'я, трэба разабрацца»
Вячаслаў Бурскі, фота director.by
Генеральны пракурор Беларусі Аляксандр Канюк пацвердзіў затрыманне гендырэктара холдынгу «БелОМА» Вячаслава Бурскага, піша Tut.by.
— Так, затрыманы. Але гэта чалавек, там сям'я, трэба разабрацца, — сказаў Аляксандр Канюк.
Артыкула, па якім затрыманы Вячаслаў Бурскі, генпракурор не назваў.
— Я хачу дачакацца пэўных вынікаў. Як былы суддзя, ведаю, што бываюць апраўдальныя прысуды. Як потым глядзець чалавеку ў вочы? — заявіў Канюк.