16 амерыканскіх штатаў падалі ў суд на Трампа з-за будаўніцтва сцяны на мяжы з Мексікай
fkickr.com
Кааліцыя з 16 амерыканскіх штатаў падала пазоў да прэзідэнта ЗША Дональда Трампа з-за яго рашэння прафінансаваць у абыход кангрэса будаўніцтва сцяны на мяжы з Мексікай.
Як паведамляе The New York Times, пазоўнікі спрабуюць аспрэчыць планы Трампа выкарыстоўваць рэжым надзвычайнага становішча, каб накіраваць на будаўніцтва грошы, выдзеленыя на барацьбу з наркотыкамі, ваеннае будаўніцтва і праваахоўныя органы.
У пазове, пададзеным у акруговы суд Сан-Францыска, сказана, што прэзідэнт ЗША не мае права пераразмяркоўваць федэральнае фінансаванне, бо выдаткі кантралюе кангрэс.
15 лютага прэзідэнт ЗША Дональд Трамп абвясціў, што ўвядзе ў краіне надзвычайнае становішча з-за сітуацыі на мяжы з Мексікай. Рэжым надзвычайнага становішча дае прэзідэнту пашыраныя паўнамоцтвы для барацьбы з крызісам