Жыхар Лунінца пры разборцы склепа выявіў 10 авіяцыйных снарадаў
У Лунінцы пры разборцы закінутага склепа выявілі 10 авіяцыйных снарадаў часоў Вялікай Айчыннай вайны, паведамляе БелТА.
Званок ад мясцовага 33-гадовага жыхара паступіў у дзяжурную часць сёння прыкладна ў 8.25. У спадчыну мужчыну дастаўся зямельны ўчастак з хатай. Трухлявы будынак разабралі, а ў закінутым склепе ўладальнік знайшоў 10 авіяцыйных снарадаў калібру 30 мм. Да прыбыцця сапёраў супрацоўнікі міліцыі ахоўвалі небяспечную знаходку. Сапёрна-піратэхнічная група боепрыпасы вывезла і знішчыла на палігоне.