Маёра Чарнаморскага флоту з сяброўкай пасадзілі за шпіянаж на карысць Украіны
Расійскі вайсковы суд вынес прысуд вайскоўцу Чарнаморскага флоту і яго сяброўцы. Іх прызналі вінаватымі ў шпіянажы на карысць Украіны, паведамляе ТАСС.
Фота: ФСБ Расіі.
Падсудныя — Д. Далгаполаў і А. Суханосава. Таксама паведамляецца, што вайсковец мае званне маёра.
28 лютага расійскі суд прызнаў іх вінаватымі ў дзяржаўнай здрадзе. Як паведамілі ў ФСБ, ім ставілі ў віну выдачу дзяржаўнай таямніцы ў форме шпіянажу.
Афіцэр і яго сяброўка прызналіся ў злачынстве і раскаяліся. Маёру прызначылі пакаранне ў выглядзе 10 гадоў пазбаўлення волі ў калоніі строгага рэжыму, яго сяброўцы — дзевяць гадоў калоніі агульнага рэжыму.
Расійскія сілавікі затрымалі пару ў верасні 2017 года ў Сімферопалі.