Мінабароны прапануе даваць адтэрміноўку на час вучобы толькі адзін раз. Перад магістратурай давядзецца адслужыць?
Фота Сяргея Гудзіліна
Міністэрства абароны прапануе аптымізаваць адтэрміноўкі ад прызыву, паведаміў сёння журналістам начальнік галоўнага арганізацыйна-мабілізацыйнага ўпраўлення — намеснік начальніка Генеральнага штаба Узброеных сіл Аляксандр Шкірэнка, піша БелТА
«Прапрацоўваецца пытанне прадастаўлення грамадзянам адтэрміноўкі для працягу адукацыі толькі адзін раз», - сказаў Аляксандр Шкірэнка.
Магчыма, гэта азначае, што малады чалавек, адвучыўшыся ў тэхнікуме, не атрымае адтэрміноўку пры працягу навучання ў ВНУ. А хлопец, які скончыў універсітэт, не атрымае адтэрміноўку для вучобы ў магістратуры або аспірантуры.