Гегемонія Фуркада перапынілася
Нарвежскі біятланіст Ёханэс Бё датэрмінова выйграў агульны залік Кубка свету.
Ёханэс Бё. Фота з Вікіпедыі
Пасля другога месца ў гонцы пераследу на чэмпіянаце свету Бё набраў 1050 балаў. Расіянін Аляксандр Логінаў, які ідзе другім, мае 726 балаў, у актыве француза Кентэна Фіёна Мае, які займае трэцяе месца, 692 ачкі.
Такім чынам, Бё стаў недасягальны для канкурэнтаў і выйграў Вялікі крыштальны глобус. Гэты трафей стаў для нарвежца першым у кар'еры. Біятланіст таксама выйграваў золата Алімпійскіх гульняў у 2018 годзе.