Беларусь і Расія актывізуюць сумесныя намаганні ў інфармацыйнай бяспецы
Такое меркаванне выказаў журналістам намеснік сакратара Рады бяспекі Расійскай Федэрацыі Алег Храмаў перад пачаткам беларуска-расійскіх міжведамасных кансультацый па пытаннях міжнароднай інфармацыйнай бяспекі.
«Усе выдатна разумеюць, што пытанні інфармацыйнай бяспекі ў сучасных умовах з'яўляюцца аднымі з самых асноватворных у жыцці чалавецтва і кожнага з народаў, кожнай з дзяржаў», — адзначыў Алег Храмаў. У Беларусі і Расіі гэтыя пытанні даўно знаходзяцца ў цэнтры ўвагі дзяржаўных структур, дзейнічае міжурадавае пагадненне ў галіне гарантавання інфармацыйнай бяспекі.
«Мы сёння сабраліся, каб надаць працы ў рамках пагаднення новы імпульс. Наша праца будзе скіравана на тое, каб забяспечыць спакойныя ўмовы для жыцця грамадзян», - растлумачыў Алег Храмаў.