Лукашэнка расказаў, якім чынам падымаецца імідж краіны
Рэалізацыя сумесных праектаў з такімі вядомымі ў свеце кампаніямі, як «Штадлер», сур'ёзна падымае імідж Беларусі. Аб гэтым Аляксандр Лукашэнка заявіў сёння на сустрэчы са старшынёй адміністрацыйнага савета, уладальнікам кампаніі «Штадлер Рэйл Груп» Петэрам Шпулерам, піша БелТА.
«Мы ў Беларусі стварылі сапраўды саліднае прадпрыемства (сумесны завод «Штадлер Мінск»). Ваша прадпрыемства даўно ўжо вядома ва ўсім свеце, але тое, што на гэтай карце з'явілася Беларусь з вытворчасцю прасунутага чыгуначнага, электрычнага транспарту — гэта, вядома, сур'ёзна падымае імідж краіны», — сказаў Аляксандр Лукашэнка.