Выбух у Стакгольме: пацярпелі некалькі чалавек
На захадзе Стакгольма ў ноч на 27 сакавіка адбыўся выбух, у выніку якога пацярпелі некалькі чалавек. Пра гэта паведамляе газета Aftonbladet са спасылкай на паліцыю.
«Некалькі чалавек знаходзяцца ў стане шоку, адзін чалавек атрымаў цяжкую траўму з-за асколка шкла», - заявіў прадстаўнік паліцыі Фрэдэрык Андэрсан. Як паведамляе Expressen, дваіх пацярпелых даставілі ў бальніцу з лёгкімі раненнямі.
У выніку выбуху былі пашкоджаныя фасады размешчаных непадалёк будынкаў, у тым ліку гатэля, і некалькі аўтамабіляў.
Прычыны пакуль не ўстаноўлены, паліцыя праводзіць расследаванне.