In memoriam: Аляксандр Рыбалка
Прыйшла сумная вестка з Кіева: 6 студзеня раптоўна памёр выдавец і рэдактар, вялікі сябар Беларусі Аляксандр Рыбалка. Яму не было яшчэ 60 год. На працягу 13 год ён быў галоўным рэдактарам часопісу «Пам’ятки України», апошнія гады разам з жонкай Кацярынай выдаваў часопіс «Новочасна література». Пан Аляксандр заўсёды жыва цікавіўся беларускай культурай і літаратурай, з радасцю ўспрыймаў выхад новых беларускіх кніг і сам нямала спрычыняўся да таго, каб творы беларускіх і ўукраінскіх аўтараў станавіліся наўзаем вядомымі.
Вечная памяць.