Украіна забараніла і нерэгулярныя авіярэйсы ў Расію
Кабмін Украіны забараніў нерэгулярныя авіязносіны з Расіяй, акрамя рэйсаў, неабходных для працы місій ААН, АБСЕ і Чырвонага Крыжа, паведамляюць Украінскія навіны.
Рашэнне прынялі пасля таго, як заснавальнік «Апазіцыйнай платформы» Юрый Бойка і кіраўнік палітрады гэтай партыі Віктар Медвядчук наведалі Маскву.
Кіраўнік МУС Украіны Арсен Авакаў паведаміў, што Бойка і Медвядчук скарысталіся «шчылінай у законе», бо да гэтага забарону на авіязносіны з Расіі не распаўсюджваўся на нерэгулярныя рэйсы самалётаў.
У кастрычніку 2015 года Украіна спыніла авіязносіны з Расіяй у рамках санкцый, уведзеных з-за далучэння Крыма. Забарона на палёты распаўсюджваецца на ўсе авіякампаніі.