Суд Севастопаля прысудзіў «украінскіх дыверсантаў» да 14 гадоў калоніі
Аляксей Бесарабаў, фота ФСБ /ТАСС
Суд Севастопаля прысудзіў да 14 гадоў калоніі строгага рэжыму двух мясцовых жыхароў Уладзіміра Дудку і Аляксея Бессарабава, якіх ФСБ лічыць агентамі ўкраінскіх спецслужбаў, паведамляе «Інтэрфакс».
Таксама асуджаным прызначаныя штрафы: Дудку — 350 тысяч рублёў (11 500 беларускіх), Бессарабаву - 300 тысяч рублёў (9 800 рублёў).
Па словах адвакатаў, сваёй віны падсудныя не прызнаюць; яны лічаць сваю справу сфабрыкаванай і маюць намер абскардзіць прысуд.
Пра затрыманне Аляксея Бессарабава, Уладзіміра Дудкі і Дзмітрыя Штыблікава ФСБ абвясціла ў лістападзе 2016 года. Іх называлі ўдзельнікамі дыверсійна-тэрарыстычнай групы ўкраінскай разведкі, планаваў дыверсіі на аб'ектах ваеннай інфраструктуры і жыццезабеспячэння Крыма.