На мінскія пляжы прывязуць тысячы тон пяску найвышэйшага класа
Пры падрыхтоўцы пляжаў сталіцы да купальнага сезона прадугледжана іх падсыпка пяском, паведаміў карэспандэнту агенцтва «Мінск-Навіны» намеснік дырэктара УП «Мінская лесапаркавая гаспадарка» Аляксандр Прамінскі.
— Падсыпка будзе праводзіцца на ўсіх пляжах Заслаўскага вадасховішча, на пляжах № 5 вадасховішча Дразды, на пляжах №2, 3, 4 Цнянскага вадасховішча. Для гэтага будзе выкарыстана 2,4 тыс. куб. м пяску найвышэйшага класа, — удакладніў суразмоўца.
Заўважым, пясок найвышэйшага класа самы высакаякасны сярод усяго пераліку кар'ернага пяску. Яго атрымліваюць шляхам фільтрацыі пяску ад розных прымешак і часціц з дапамогай шматлікага прамывання.