Далай-ламу шпіталізавалі ў Дэлі
Фота з Вікіпедыі
Духоўны лідар тыбецкіх будыстаў Далай-лама XIV трапіў у бальніцу ў Дэлі, паведамляе The Guardian.
Па словах яго асабістага прэс-сакратара, 9 красавіка 83-гадовы Далай-лама адчуў дыскамфорт, пасля чаго яго даставілі для медагляду ў індыйскую сталіцу з горада Дхарамсала, дзе знаходзіцца тыбецкі ўрад у выгнанні.
Дактары дыягнаставалі ў яго інфекцыю грудной клеткі. Духоўны лідар прабудзе ў шпіталі наступныя некалькі дзён. Ён знаходзіцца ў стабільным стане, адзначаюць медыкі.