Міліцыя шукае 14-гадовую мінчанку, якая пайшла раніцай з дому
Марыя Клыга пакінула дом па адрасе: вул. Валгаградская, 25а. Паводле інфармацыі пошукава-выратавальнага атрада «Анёл», яна сышла ў невядомым кірунку паміж сям'ю і васьмю гадзінамі раніцы 10 красавіка.
Дзе знаходзіцца падлетак, да гэтага часу не вядома. Прыкметы Марыі: на выгляд 16 гадоў, рост 168 см, шчыльнага целаскладу, валасы цёмна-русыя да падбародка, вочы блакітныя. Была апранутая ў цёмна-зялёную куртку да калена, чорныя джынсы, сінія красоўкі з ружовымі ўстаўкамі. Юная гараджанка раней з дома не сыходзіла, паведамляе міліцыя.