З пачатку года марынаванымі і сушанымі грыбамі атруціліся дзевяць чалавек
У Беларусі з пачатку года пацярпелі ад атручвання грыбамі дзевяць чалавек, паведаміла БелТА прэс-сакратар Міністэрства аховы здароўя Юлія Барадун.
«Зарэгістравана ўжо 8 выпадкаў атручвання грыбамі, пацярпелі 9 чалавек. Пацярпелыя, з іх словаў, ўжывалі ў ежу марынаваныя і сушаныя грыбы. Атручаных свежымі грыбамі пакуль не зарэгістравана», - сказала Юлія Барадун.