Названа галоўная версія ўзгарання ў Нотр-Даме
Парыжскі пракурор Рэмі Хейц заявіў, што ў праваахоўнікаў няма сведчанняў падпалу ў саборы Нотр-Дам і яны працуюць над версіяй, што пажар узнік выпадкова, паведамляе AP.
Пракурор сказаў, што расследаванне будзе «доўгім і складаным». Ён адзначыў, што пяць следчых працуюць над справай. Ён кажа, што яны будуць дапытваць работнікаў з пяці кампаній, якія былі наняты для рамонту на даху сабора, які рамантаваўся да пажару. Там і ўспыхнуў агонь.