Зяленскі вырашыў змяніць імя ў Facebook. Цяпер ён «Володимир»
Новаабраны прэзідэнт Украіны Уладзімір Зяленскі змяніў імя ў Facebook і цяпер падпісаны на ўкраінскай мове («Володимир Зеленський»), а не на рускай, як было раней. У прэс-службе шоўмена заявілі, што прапанова змяніць імя паступіла ад падпісчыкаў, перадае Громадське.
«Мы атрымалі прапановы ад нашых падпісчыкаў пра змену імя і адгукнуліся на іх. Да таго ж гэта было дарэчы, улічваючы яго новы статус як прэзідэнта», — сказала прэс-сакратарка Зяленскага Ірына Пабеданосцава.
Паводле яе слоў, гэта прыватная старонка Зяленскага і неўзабаве будзе створана новая, прэзідэнцкая.