Сільвіа Берлусконі тэрмінова шпіталізавалі ў Мілане
У лістападзе 2009 года Берлусконі наведваў Мінск
Былы італьянскі прэм'ер-міністр, лідар партыі «Наперад, Італія» Сільвіа Берлусконі шпіталізаваны ў бальніцу Сан-Рафаэле ў Мілане, піша Corriere della Sera.
Па дадзеных выдання, яго павезлі на хуткай, пра стан здароўя палітыка не паведамляецца. На 14:00 у яго была запланаваная прэс-канферэнцыя.
Як удакладняе La Repubblica са спасылкай на крыніцы ў партыі палітыка, 82-гадовы Берлусконі шпіталізаваны з-за праблем з ныркамі.
Берлусконі займаў пасаду прэм'ер-міністра Італіі ў 1994-1995, 2001-2005, 2005-2006, 2008-2011 гадах.