Названа прыярытэтная задача новага пасла Расіі ў Беларусі
Новы пасол Расіі ў Беларусі Дзмітрый Мезенцаў павінен працаваць над паглыбленнем інтэграцыі ў рамках Саюзнай дзяржавы.
Пра гэта паведаміў старшыня камітэта Дзярждумы па справах СНД, еўразійскай інтэграцыі і сувязях з суайчыннікамі Леанід Калашнікаў, перадае ТАСС.
Паводле яго слоў, перад новым паслом стаяць сур'ёзныя задачы, якія прэзідэнт Расіі Уладзімір Пуцін і яго беларускі калега Аляксандр Лукашэнка абмяркоўвалі ў ходзе двухбаковай сустрэчы ў Сочы ў лютым.
Калашнікаў дадаў, што не ставіць пад сумневы правільнасць выбару Мезенцава ў якасці расійскага пасла, бо ён «разумее каштоўнасць дачыненняў Расіі і Беларусі».