Новы Жыгамонт: Падарожжа ў вёску Грушаўка Ляхавіцкага раёна — радзіму знакамітага роду Рэйтанаў ВІДЭА
Вёска Грушаўка Ляхавіцкага раёна вядомая далёка за межамі нашай краіны дзякуючы Тадэвушу Рэйтану — адданаму патрыёту Вялікага Княства Літоўскага і Рэчы Паспалітай.
Усё жыццё Тадэвуша Рэйтана непарыўна звязанае з Грушаўкай. Тут ён нарадзіўся, тут і памёр. Гаспадарамі вёскі былі і іншыя выбітныя прадстаўнікі гэтага роду.
У Грушаўцы захаваўся палац Рэйтанаў, «мураванка», унікальная родавая капліца, рэшткі гаспадарчых пабудоў: лядоўня, стайня, драўлянае гумно, якое мае адметнае канструктыўнае рашэнне… Да падарожжа ў Грушаўку далучыўся Зміцер Юркевіч — стваральнік Арт-суполкі імя Тадэвуша Рэйтана.