Google адключыць Huawei ад усіх абнаўленняў Android
У кіраўніцтве Google прынялі рашэнне адмовіцца ад супрацоўніцтва з Huawei Technologies пасля таго як Міністэрства гандлю ЗША абвясціла пра намер унесці кітайскую кампанію ў чорны спіс.
Як паведамляе агенцтва Reuters, гэта будзе азначаць, што Huawei пазбавіцца доступу да абнаўленняў аперацыйнай сістэмы Android, а ўжо на наступнай серыі смартфонаў не будзе прыкладанняў Google Play Store і Gmail.
Пры гэтым у Huawei застанецца магчымасць атрымліваць доступ да Android, але толькі ў той яе версіі, якая знаходзіцца на адкрытых крыніцах. На тэхнічную падтрымку кітайская кампанія разлічваць не зможа.
Афіцыйна ў Google заяўляюць, што карыстальнікі Huawei, у якіх ужо стаялі прыкладання на смартфонах, змогуць працягваць імі карыстацца. Факт разрыву супрацоўніцтва пацвердзілі крыніцы выдання The Verge.