Лідар «Арсенала» Мхітаран не паедзе на фінал Лігі Еўропы ў Баку
Армянскі паўабаронца футбольнага клуба «Арсенал» Генрых Мхітаран прапусціць фінал Лігі Еўропы супраць «Чэлсі», які пройдзе ў Баку.
Лонданскі клуб прыняў такое рашэнне, параіўшыся з Мхітаранам і яго сям'ёй.
Мхітаран прапусціць гульню ў Баку па меркаваннях бяспекі. У «Арсенале» асцерагаліся, што армянскі футбаліст можа стаць ахвярай нападу. Улады Азербайджана пры гэтым абяцалі забяспечыць бяспеку Мхітарана.