Прагулачны катар з дзясяткамі турыстаў затануў у Будапешце. 26 ахвяр
hirado.hu
Здарэнне адбылося каля моста Маргіт у Будапешце. На Дунаі. Сутыкнуліся два прагулачныя судны, адно з іх затанула.
На месцы праводзіцца выратавальная аперацыя. Яна ўскладнена моцным ветрам з дажджом. Акрамя таго, у месцы здарэння моцная плынь.
Паводле ўдакладненых звестак, усяго на борце катара былі 33 пасажыры і два члены экіпажа. Семярых удалося выратаваць. На катары былі турысты з Паўднёвай Карэі. Агенцтва Yonhap са спасылкай на Міністэрства замежных спраў краіны таксама паведамляе пра семярых загінулых і 19 зніклых без вестак.