Нямеччына: эканоміку чакае беспрэцэдэнтны спад
Паводле словаў міністра эканомікі Міхаэля Глоса, такога спаду не было з часоў Другой сусветнай вайны.
Нямеччыну сёлета чакае беспрэцэдэнтнае скарачэнне эканомікі — на 2,25 працэнта.
Паводле словаў міністра эканомікі Міхаэля Глоса, такога спаду не было з часоў Другой сусветнай вайны.
У кастрычніку 2008 г. Нямеччына прагназавала павольны рост сваёй эканомікі, якая з’яўляецца найбуйнейшай у Еўропе.
Але глабальны фінансавы крызіс прывёў да рэзкага зніжэння попыту на нямецкія тавары.
У Брытаніі тым часам абнародаваныя новыя звесткі пра беспрацоўе, згодна з якімі ў краіне зафіксаваная рэкордная колькасць беспрацоўных —амаль два мільёны чалавек.
Гэта самы высокі ўзровень беспрацоўя больш чым за дзесяць гадоў.