У Веткаўскім раёне рыбак хацеў пераплыць возера і патануў
Здарэнне адбылося 8 чэрвеня паблізу вёскі Старое Сяло. 53-гадовы жыхар Гомеля з прыяцелем рыбачыў на возеры.
У нейкі момант ён вырашыў пераплысці вадаём.
Пераадолеўшы большую частку шляху, прыкладна за 30 м ад берага пайшоў пад ваду, паведамляе БелТА.
Каля 22.00 ратавальнікі Веткаўскай раённай арганізацыі Асвод дасталі цела мужчыны з вады.