На поўначы Малдовы абрынуўся дзевяціпавярховы дом ВІДЭА
Увечары 19 чэрвеня ў Атаках (Малдова) абвалілася частка дзевяціпавярховага жылога дома. Ахвяр няма. Ратавальнікі эвакуіравалі жыхароў за некалькі гадзін да абвалу.
«Тэрмінова збіраецца камісія па надзвычайных сітуацыях. Вельмі добра, што своечасова адрэагавалі і паспелі аператыўна эвакуіраваць жыхароў. Абышлося без ахвяр. Усе раённыя службы былі паднятыя па трывозе», — напісаў прэзідэнт Малдовы Ігар Дадон у сваім фэйсбук.