Падчас пратэстаў у Грузіі пацярпелі больш за 30 журналістаў
Падчас пратэстаў у Тбілісі ад дзеянняў паліцыі пацярпеў 31 супрацоўнік грузінскіх СМІ, піша Грузия Онлайн.
Усе пацярпелыя журналісты былі параненыя гумовымі кулямі.
Так, фатограф выдання Civil.ge Гурам Мурадаў атрымаў 11 гумовых куляў, у журналісткі тэлекампаніі Руставі 2 Тамар Багашвілі быў зафіксаваны пералом пляча, яе прааперавалі. Член службы аховы Руставі 2 Георгій Сулашвілі страціў вока, у яго зламаная сківіца. Таксама збілі і затрымалі журналіста Першага канала Грузіі Ніку Мухігулашвілі, у яго разбіта відэакамера.
Грузінскія журналісты выступілі з асуджэннем перавышэння праваахоўнікамі сваіх паўнамоцтваў.