Пад Жлобінам забіла токам чалавека, які напаўняў басейн
У Жлобінскім раёне электрычным токам быў смяротна траўмаваны мужчына, паведаміла БелТА.
Няшчасны выпадак адбыўся 22 чэрвеня ў вёсцы Каратковічы. Жыхар Светлагорска 1983 года нараджэння, які знаходзіўся ў гасцях, дапамагаў ставіць і напаўняць вадой басейн.
«У момант адключэння помпы ад сеткі ён закрануў электрычныя раздымы», - распавёў афіцыйны прадстаўнік Дзяржкамітэта судовых экспертыз.