Майк Тайсан - палякам: «Вы ні чарта не разумееце ў трагедыях, вас не трымалі ў рабстве 250 гадоў!»
Былы чэмпіён свету па боксе Майк Тайсан наведаў Польшчу ў межах рэкламнай кампаніі польскага энергетычнага напою.
Амерыканец наведаў мясціны, звязаныя з Халакостам і Варшаўскім паўстаннем. Падчас прэс-канферэнцыі ў Тайсана спыталі, ці не лічыць ён няправільным выкарыстанне трагедыі ў камерцыйных мэтах.
«Вы, палякі, ні чарта не разумееце ў трагедыях, у параўнанні з тым, што здарылася з чорнымі ў Амерыцы. Нікога з вас не трымалі ў рабстве 250 гадоў!
Ніхто не гвалтаваў вас, вашу маці, сястру, брата, гледзячы вам у вочы, перш чым забіць. Ніхто з вамі гэтага не рабіў. Тое, што здарылася з вамі, было вельмі дрэнна. Але хто ведае пра паўстанні больш, чым цемнаскурыя людзі?» — адказаў Тайсан.