Жонка эміра Дубая збегла ў Лондан з $40 мільёнамі
Шостая жонка эміра Дубая і прэм'ер-міністра ААЭ, мільярдэра Махамеда ібн Рашыда Аль Мактума, збегла ў Лондан праз Германію, піша Daily Mail.
Прынцэса Хая аль Хусейн з'яўляецца адзінакроўнай сястрой іарданскага караля Абдалы II. Яна пакінула Дубай з двума дзецьмі 7 і 11 гадоў і мае намер патрабаваць развод. Паведамляецца, што яна папросіць палітычнага прытулку.
Жанчына перабралася ў брытанскую сталіцу з 31 мільёнам фунтаў (каля $40 мільёнаў), каб пачаць новае жыццё.
Як паведамляюць СМІ, дапамог ёй арганізаваць уцёкі нямецкі дыпламат. Таксама адзначаецца, што ўлады Германіі адмовілі шэйху Махамеду ў просьбе дапамагчы вярнуць жонку, якая збегла.
У шэйха Махамеда 7 жонак, 9 сыноў і 14 дачок.