Спёка ў Еўропе: загінулі сама меней 11 чалавек
У выніку працяглай спякоты ў Паўднёвай і Заходняй Еўропе загінулі сама меней 11 чалавек, паведамляе Reuters.
6 смяротных выпадкаў ад спёкі зафіксавана ў Францыі, 2 у Іспаніі і 3 — у Італіі.
Лекары спрабуюць выратаваць жыццё яшчэ некалькім людзям, якія праз спякоту апынуліся ў шпіталях.
У многіх рэгіёнах Францыі і Італіі таксама бушуюць маштабныя лясныя пажары.