Кіраўніка офіса прэзідэнта Украіны заўважылі на вечарыне з расійскім артыстам Артурам Піражковым ВІДЭА
Кіраўнік офіса прэзідэнта Украіны Андрэй Богдан у Дзень Канстытуцыі Украіны наведаў канцэрт расійскай поп-зоркі Артура Піражкова (сапраўднае імя — Аляксандр Рэва) у кіеўскім начным клубе QUEEN.
Адпаведнае відэа апублікаваў тэлеграм-канал «УП. Off the record», на якім бачна, як кіраўнік офіса прэзідэнта Украіны весяліцца на выступе расійскага артыста Артура Піражкова і Святланы Лабады ў начным клубе.
«Наогул кажучы, артыст Аляксандр Рэва — грамадзянін Украіны. Вельмі патрыятычны хлопец», — сказаў Богдан у каментары выданню the Бабель.
Аляксандр Рэва сапраўды з'яўляецца грамадзянінам Украіны. Ён — удзельнік расійскага тэлепраекта Comedy Club, камедыйны акцёр, шоўмен, акцёр дубляжу. Нарадзіўся ў верасні 1974 года ў Данецку.
З 1995 — удзельнік каманды КВЗ Данецка. З 2000 — удзельнік каманды КВЗ ДПІ «Дрым Цім», а пасля «Утомленные солнцем» горада Сочы (Расія).
З 2006 года — рэзідэнт маскоўскага Comedy Club.