У Судане праходзяць шматтысячныя пратэсты супраць вайсковых уладаў краіны
Некалькі дзясяткаў тысяч чалавек выйшлі на пратэсты ў розных гарадах Судана з заклікам да вайскоўцаў перадаць уладу цывільнаму ўраду, паведамляе Reuters.
На буйной акцыі ў Хартуме паліцыя была вымушаная неаднаразова ўжыць слезацечны газ.
У красавіку ў Судане адбыўся вайсковы дзяржаўны пераварот. Новая ўлада адкрыла крымінальную справу супраць прэзідэнта Амара аль-Башыра.
Пасля перавароту ў краіне пачаліся масавыя пратэсты. У чэрвені на іх загінулі сама меней 100 чалавек.