Дзень Незалежнасці Беларусі адзначылі ў «ДНР»
Прадстаўнікі беларускай дыяспары сабраліся разам у Данецку, каб адзначыць свята незалежнасці. Пра гэта паведамляе тэлеканал «Аплот».
Свята арганізавала арганізацыя беларусаў «Нёман». Яе старшыня Сафія Пасынкава адзначыла, што Беларусь — гэта адзіная краіна на постсавецкай прасторы, дзе Дзень Незалежнасці не прывязаны да развалу СССР, а да вызвалення краіны ў гады вайны.
«Мы ведаем, што шмат гадоў таму не было Беларусі, а была польска-літоўская краіна. І толькі дзякуючы Савецкаму Саюзу, стала Рэспубліка Беларусь», — сказала Пасынкава.