Начальнік Свярдлоўскага ГІБДД трапіў у СІЗА за напад на журналіста
За перавышэнне службовых паўнамоцтваў з прымяненнем гвалту падазраюць начальніка Свярдлоўскага ГІБДД Юрыя Дзёміна.
Вядома, што фармальнай падставай для затрымання стаў інцыдэнт на акцыі пратэсту аўтамабілістаў у Екацярынбургу.
На пытанне журналіста, чаму нельга здымаць машыну Дзёміна, што стаяла ў неналежным месцы, палкоўнік пачаў хаміць, а потым ударыў карэспандэнта ў твар і разбіў камеру.
Арышт Дзёміна ініцыяваў новы паўнамоцны прадстаўнік прэзідэнта Расіі ў Уральскай федэральнай акрузе Мікалай Вінічэнка.