Зяленскі назваў умову для дыялогу з Расіяй
Прэзідэнт Украіны стаў насіць на руках бранзалеты з імёнамі маракоў. Зняць іх ён збіраецца пасля іх вызвалення, фота ТСН.
Украінскі лідар Уладзімір Зяленскі назваў адзіную неабходную ўмову, пасля выканання якой можа быць адноўлены дыялог з Расіяй.
Паводле яго слоў, нармалізацыя адносінаў немагчымая да вяртання арыштаваных у РФ украінскіх маракоў.
Ён дадаў, што апавясціў пра гэта лідара Расіі Уладзіміра Пуціна ў ходзе тэлефоннай размовы.
Зяленскі назваў сваё патрабаванне адэкватным, рэальным і выканальным.
Акрамя таго, ён растлумачыў, што праблемы з абменам «усіх на ўсіх» звязаныя з несупадзеннем спісаў краін.