Мінчанка ўзяла ў знаёмых 250 тысяч даляраў — і грошы не вярнула
Жанчына брала ў доўг буйныя сумы цягам чатырох гадоў у сваіх знаёмых, аднакурснікаў, калегаў, сваякоў, а таксама ў камерцыйных кампаніях, якія даюць грошы ў пазыку на развіццё бізнэсу. Пры гэтым усім абяцала вярнуць да капейкі і нават з працэнтамі. Падчас здзелак складаліся распіскі і дамовы.
Мінчанка пазычала ад 1 тыс. да 60 тыс. даляраў. Як толькі грошы аказваліся на руках, жанчына знікала і не выходзіла на сувязь. Часам фігурантка вяртала частку сумы, але для гэтага перазаймала ў іншага крэдытора. Грошы траціла на новыя аўтамабілі, адпачынак за мяжой.
Устаноўлена больш за 20 пацярпелых, паведамляе сталічная міліцыя.