Жыхар Асіповічаў пабіўся з інфакіёскам, бо той не выдаў яму чэк
40-гадовы жыхар Асіповічаў здзяйсняў аперацыі ў інфакіёску. Чэк машына не выдала, бо скончылася папера. Гэты факт мужчыну раззлаваў, ён стаў біць рукамі па інфакіёску, у выніку чаго шкло манітора трэснула і рассыпалася, паведамляе прэс-служба міліцыі.
Фота міліцыі
Гэта пабачылі мінакі. Яны паведамілі пра інцыдэнт супрацоўнікам банка, якія патэлефанавалі па тэлефоне «102». Хулігана затрымаў нарад міліцыі. Сума шкоды высвятляецца.
Як распавялі ў Асіповіцкім РАУС, затрыманы знаходзіцца на ўліку ў крымінальна-выканаўчай інспекцыі, у 2012 годзе ён быў судзімы за незаконны абарот наркатычных сродкаў.
А ў гэтым выпадку хуліганства караецца нават пазбаўленнем волі на тэрмін да 3 гадоў.