У Чачэрскім раёне махлярка прадставілася супрацоўніцай санстанцыі, а потым скрала грошы
26 ліпеня ў 15:13 невядомая дзяўчына зайшла ў краму ў вёсцы Залессе. Прадставілася яна супрацоўніцай абласнога цэнтра гігіены і эпідэміялогіі.
Пасля «праверкі» дзяўчына паказала на парушэнне і сказала, што сума штрафу складае 45 рублёў. Працаўніца крамы перадала грошы невядомай, і «інспектар» знікла ў невядомым кірунку. Ніякіх дакументаў дзяўчына не пакінула. Цяпер яе шукае міліцыя, паведамляе УУС.