На Магілёўшчыне ўратавалі старога, які тры дні праляжаў у балаціне без ежы і вады ВІДЭА
Як паведаміла МНС, мужчына 1935 года нараджэння 26 ліпеня выйшаў з свайго дома ў Магілёве і знік. Праз трое сутак яго знайшлі на балоце ў Клічаўскім раёне.
З пятніцы па нядзелю ратавальнікі і міліцыя абследавалі тэрыторыю ляснога масіва ў мікрараёне Грэбенева, куды скіраваўся зніклы, аднак пошукі выніку не далі.
Пошук працягнулі на поплаве плошчай 3 квадратныя кіламетры.
83-гадовага мужчыну знайшлі жывым. Ён трое сутак без ежы, вады і сродкаў сувязі праляжаў у забалочанай мясцовасці, бо ў яго адмовілі ногі, і ён не мог рухацца. Яго перадалі медыкам.