14-гадовы падшыванец скінуў пракатны ровар у раку і зняў гэта на ВІДЭА
14-гадовы падлетак-падшыванец скінуў пракатны ровар у ваду на Зыбіцкай у Мінску. Згодна з заявай, якая паступiла ад кампаніі, што займаецца пракатам ровараў, кошт пашкоджанай маёмасці — 728 рублёў, паведамляе Следчы камітэт.
Прыяцель падазраванага фіксаваў хуліганства на відэа. Пасля яго апублікавалі ў інстаграме.
Завялі крымінальную справу па артыкуле «Хуліганства» (ч.1 арт.339 КК). Хлопца затрымалі.
Адказнасць па гэтым артыкуле пачынаецца з 14 гадоў.